真係真係好耐無打XANGA!!!

幸好，呢幾個月都無咩大件事發生，平平淡淡地渡過!!!

5月的我真係好忙，一係交功課，一係考試，全部假期都係用來應付呢兩樣野，完全無得休息。6月終於可以休息一個月，還有3個月就完成課程了!!!期待中!!!

25/5的我終於過試用期，人工亦調整了!!!不知是否在蝶翠峰做得太耐，太安穩，很難適應新環境吧!!!要在這裡過試用期好似等了很久，其實係驚自己做得唔好，或者做錯事而過唔到試用期!!!你問我在這裡怎樣???我會答你:同事唔錯，D客唔錯，好自由，文件就繁複D，總算OK!!!但我覺得自己無以前咁積極，可能呢度養懶人吧!!!自己都覺得肥了!!!

5/6係我同肥仔的周年紀念日，無咩特別慶祝，只係出去食飯同埋買了蛋糕吧!!!

13/6 - 15/6係我離開蝶翠峰咁耐第一次放3日假期，本來諗住去個短線旅行(長隆)，或者澳門，或者長洲，但係最後都無去，只係去左睇戲(魔幻王國)同埋海洋公園，下次一定要計劃好D吧!!!

不知不覺已到新公司工作一個月了，亦開始習慣這裡的生活，不知是好還是壞，這裡給我的感覺是悠閒的，客人亦比蝶翠峰容易相處，挑戰比較少及發揮機會不多，而同事給我的感覺不錯，由第一天工作直至現在都幫助了很多，幸好，新主管同BILLY一樣，都是易相處的!!!

19/3
繼我離開蝶翠峰後，AR DREAM亦會於3月尾離開，當晚我哋去咗仁愛堂打保齡及何福堂附近的大排檔食嘢同AR DREAM FAREWELL，在這裡祝AR DREAM前程錦繡!!!
另外，我亦希望各蝶翠峰的同事努力工作，於離開蝶翠峰的時候，找到更好的工作及待遇!!!

22/3
當日返早，放工之後就去咗小欖同肥仔D FRIEND BBQ，好彩BBQ的時候停咗雨，如果唔係就掃興啦!!!回程在巴士站等車的時候，有多輛的救護車及消防車駛過，心想一定有大件事發生，回到家才知道撞船的報導呀!!!

難得可以同肥仔放兩日假，但我哋無選擇任何的旅行或渡假，只係去咗睇戲(大象阿鈍救世界)、行街及各自約FRIEND GATHERING!!!

23/3
今日好特別，約咗一班舊同學同埋一位老師食飯(元朗景福宮食韓燒)，佢哋係中學時一起參加直笛班(即係牧童笛)的組員及導師，我哋呢班嘩鬼足足參與直笛班有差不多5年的時間(即由中一至中五的課外活動)，係咪好誇張呢???其實大家初初都係抱住要參加課外活動的心態而去參加，久而久之，每星期一天的練習，就變成了興趣!!!我還記得在愉景新城及葵芳新都會的樂施會表演，學校(何福堂書院)的周年音樂會表演，仲有校際音樂節的團體比賽中得到季軍，令我哋的校園生活更精彩及更多更好的回憶!!!大家畢業後，各有各忙，難得可以一起聚聚，今次終於可以齊人，差不多已是6年的事了!!!傾談中，已知有幾位以前班中的同學已經結婚生仔，時間真係過得很快，當AR SIR問到你哋邊個會最快結婚的時候，心裡突然想，惜日我還是一個中學生，現在已到一個談婚論嫁的年齡呀!!!

14/3

當晚同VAN慶祝生日，去咗NEWAY唱K，EMMY、SUKI、STEPHEN & 文仔都有去，佢哋幾個都係我做麥當勞PART-TIME識的朋友仔，不經不覺，無做麥當勞都有4年啦!!!現在各有各的工作，而大家的前景均不錯呀!!!

仲記得2年前BETTY結婚時，我同VAN、EMMY、SUKI、AR NAT、小KI做姊妹，真係好搞笑，第一次穿著隆重的吊帶裙，全日穿著高跟鞋(行得好辛苦，因平時的我只係CASUAL LOOK)，化咁濃的粧，飲酒(其實好少，因其他姊妹幫我頂晒，搞到個個都嘔，只得我一個無事)，當晚大家都好開心，最後因為佢哋太醉，要住酒店一晚添!

麥當勞的工作除咗令我識到現在的男朋友外，還令我認識了一班要好的朋友，雖然大家各有各忙，但係大家有咩聚會都會記得我呢個朋友仔，真係好開心!!!

9/3 - SIMMI & DYLIS(舊蝶翠峰同事)約咗食飯，去咗油麻地，食完之後，就去咗廟街，當然要盡顯我的迷信性格 - 玩塔羅牌啦!!!今次當然問事業，塔羅師問我想問份工的前景定係轉工，我當然問份工的前景，轉工的事一點兒也沒有提到，諗住睇下佢準唔準啦!!!一開牌，塔羅師就嘩咗幾聲，然後就問我呢份工係咪做咗三個月都無，我感到好驚訝，第一張牌已經知到我剛剛轉工，好犀利!!!跟住，佢話我的人際關係比較弱，呢個係我轉咗呢份工的最大問題，又中啦!!!我係一個慢熱的人，擔心同同事的相處，佢講得好啱，而家我最擔心的係人際關係呀!!!佢仲同我講我做嘢的能力絕對無問題，呢句話都有D安慰!!!最後，佢同我講呢份工的前景唔錯，遲D你就會覺得架啦!!!佢仲同我講之前份工前景唔好，未必代表以後唔好，記住呀!!!
雖然排隊排咗45分鐘，講就講咗5分鐘，但我已經覺得比之前安心!!!

收到上一科AR SIR E-MAL俾我哋的同學大合照，不知不覺尚有半年就讀完，而讀證書的同學亦已經完成課程了!!!